Үрнәк

Поселок 1920 елларда Уразлы авылыннан күчеп килүчеләр тарафыннан нигезләнә.

Нигез салынган көннән ТАССРның Арча кантоны Ильинский волостена керә. 1927 елның 14 февраленнән — Воскресенский, 1927 елның 1 августыннан — Казан авыл районында, 1938 елның 4 августыннан — Юдино, 1958 елның 16 июленнән Яшел Үзән районында.

Хәзер Новопольский авыл җирлеге составына керә.

1931 елда поселокта 8 Март исемендәге колхоз оештырыла. 1966 елдан поселок “Овощевод” совхозы составында (үзәк утары Әйшә авылында, 1995 елдан күмәк предприятие, 2012 елдан “Овощевод” җаваплылыгы чикләнгән җәмгыять).

Мәчет эшли (1998 елдан).

1926 елда — 27,
1938 елда — 43,
1949 елда — 20,
1958 елда — 99,
1970 елда — 159,
1979 елда — 172,
1989 елда — 161,
2002 елда — 227,
2010 елда — 246,
2017 елда — 225 кеше (татарлар).