Кече Йорт

Авыл 1565−1567 еллардан Зөя Богородица монастыре вотчинасы буларак билгеле. 1764 елда халкы монастырь крәстияннәреннән экономик, соңрак дәүләт крәстияннәре катлавына кертелә. Бу чорда халкының төп шөгыле – игенчелек һәм терлек асрау.

Рус Шырданы авылының Петр һәм Павел чиркәве приходына карый.

XX йөз башында авылда 4 тегермән, вак-төякләр кибете эшли. Бу чорда авыл җәмәгатенең имана җире 406 дисәтинә тәшкил итә.

1920 елга кадәр авыл Казан губернасының Зөя өязе Шырдан волостена керә. 1920 елдан ТАССРның Зөя кантонында. 1927 елның 14 февраленнән — Зөя, 1931 елның 20 октябреннән — Норлат, 1963 елның 1 февраленнән Яшел Үзән районында.

Хәзер Карамалы Тау шәһәр җирлеге составына керә.

1931 елда авылда 8 Март исемендәге колхоз оештырыла. 1958 елдан − зурайтылган “Приволжье” колхозы (үзәк утары Протопоповка авылында), 1971 елдан “Зеленодольск” совхозы составында (үзәк утары шәһәр тибындагы Карамалы Тау поселогында).

782 елда — 87 ир заты;
1859 елда — 476,
1897 елда — 503,
1908 елда — 347,
1920 елда — 280,
1926 елда — 302,
1938 елда — 281,
1949 елда — 246,
1958 елда — 100,
1970 елда — 27,
1979 елда — 16,
1989 елда — 4 кеше (руслар),
2002 елдан — даими яшәүчеләр юк.