Чёртово

1565–1567 елларда Пустошь Тереулова буларак мәгълүм. Революциягә кадәрге чыганакларда Тереулова исеме белән дә искә алына.

1861 елгы реформага кадәр халкы алпавыт крестьяннары катлавына керә. Бу чорда халкының төп шөгыльләре – игенчелек һәм терлекчелек. 1850 елларда авылда поташ заводы, XX йөз башында икмәк саклау-сату һәм вак-төякләр кибетләре, су тегермәне, тимерчелек эшли.

Авыл җәмәгатенең имана җире 430,25 дисәтинә тәшкил итә.

1920 елга кадәр авыл Казан губернасының Лаеш өязе Аркатау волостена керә.

1920 елда – ТАССРның Лаеш, 1927 елдан – Арча кантонында. 1930 елның 10 августыннан – Питрәч районында.

Хәзер – Белкино авыл җирлегендә.

1951 елга кадәр авылда “Новый путь” колхозы (авылда үзәк утар урнаша) оештырыла. 1951 елдан – “Искра” колхозы.

Халкы башлыча үсемлекчелек белән шөгыльләнә.

1782 елда – 23 ир заты;
1859 елда – 282,
1897 елда – 335,
1908 елда – 360,
1920 елда – 360,
1926 елда – 401,
1949 елда – 165,
1958 елда – 148,
1970 елда – 92,
1979 елда – 87,
1989 елда – 60,
2002 елда – 54,
2010 елда – 46,
2020 елда – 35 кеше (руслар).