Олы Сосновка

XVIII йөз башында нигезләнә. Революциягә кадәрге чыганакларда Сосновка исеме белән дә искә алына. 1860 елларга кадәр халкы алпавыт крестьяннары катлавына керә. Бу чорда халкының төп шөгыльләре – игенчелек һәм терлекчелек.

XX йөз башында укырга-язарга өйрәтү мәктәбе, 3 бакалея кибете эшли. Авыл җәмәгатенең имана җире 359 дисәтинә тәшкил итә.

1920 елга кадәр авыл Казан губернасының Чистай өязе Зирекле волостена керә. 1920 елдан – ТАССРның Чистай кантонында.

1930 елның 10 августыннан – Яңа Чишмә, 1944 елның 19 февраленнән – Ямаш, 1956 елның 7 декабреннән – Яңа Чишмә, 1963 елның 1 февраленнән – Чистай, 1983 елның 26 апреленнән – Яңа Чишмә, 1984 елның 3 июленнән – Түбән Кама районында.

Хәзер – Сосновка авыл җирлеге үзәге.

1959 елдан авылда берләштерелгән Ленин исемендәге колхоз оештырыла (үзәк утары – Благодатный авылы). 1963 елда “Рассвет” колхозы итеп үзгәртелә. 1986 елдан “Нижнекамскнефтехим” акционерлык җәмгыятенең “Рассвет” ярдәмче хуҗалыгы, 1997 елдан “Нефтехимагропром” җаваплылыгы чикләнгән җәмгыяте, 2020 елдан “Агромолл” җаваплылыгы чикләнгән җәмгыяте.

1859 елда – 341,
1897 елда – 418,
1908 елда – 439,
1920 елда – 415,
1926 елда – 496,
1938 елда – 420,
1949 елда – 311,
1958 елда – 209,
1970 елда – 113,
1979 елда – 51,
1989 елда – 22,
2002 елда – 16,
2010 елда – 6 кеше (руслар),
2022 елда даими яшәүчеләр юк.