Удобновка

XIX йөзнең беренче яртысында нигез салына. Революциягә кадәрге чыганакларда Удобная исеме белән телгә алына.

1861 елга кадәр халкы алпавыт крәстияннәре катлавына керә. Бу чорда халкының төп шөгыле – игенчелек һәм терлекчелек.

1870 елгы мәгълүматлар буенча, авылда 2 су тегермәне була. XX йөз башында земство мәктәбе, бакалея кибете, май язу бинасы, ярма яргыч, икмәк саклау-сату кибете эшли.

Авыл җәмәгатенең имана җире 380 дисәтинә тәшкил итә.

1920 елга кадәр Уфа губернасының Минзәлә өязе Яңа Шуган волостена керә. 1920 елдан ТАССРның Минзәлә кантонында. 1930 елның 10 августыннан – Мөслим, 1963 елның 1 февраленнән – Сарман, 1965 елның 12 гыйнварыннан Мөслим районында.

Хәзер Михайловка авыл җирлеге составында.

1858 елда – 172,
1870 елда – 170,
1884 елда – 315,
1906 елда – 352,
1920 елда – 306,
1926 елда – 255,
1938 елда – 194,
1949 елда – 149,
1958 елда – 107,
1970 елда – 93,
1979 елда – 44,
1989 елда – 5,
2002 елда – 2 кеше (руслар),
2010 елда – даими яшәүчеләр юк.