Гришкино

Авылга 1792 елда нигез салына. Революциягә кадәрге чыганакларда Гришина, Денисовка исемнәре белән дә билгеле.

1861 елгы реформага кадәр халкы алпавыт крәстияннәре катлавына керә. XVIII йөздә – алпавыт Д.Ф.Петров, XIX йөз уртасында алпавыт хатын Суворова милкендә була.

 Крепосной хокук бетерелү алдыннан алпавытлар утарында 1416 дисәтинә җир исәпләнә. Бу чорда халкыны төп шөгыле – игенчелек һәм терлекчелек, шулай ук киндер эшкәртү, көнлекчелек тарала.

1870 елларда авыл җәмәгатенең имана җире 61 дисәтинә тәшкил итә.

1920 елга кадәр  авыл Уфа губернасының Минзәлә өязе Минзәлә волостенда. 1920 елдан ТАССРның Минзәлә кантонында. 1930 елның 10 августыннан Минзәлә районында.

Хәзер Иске Маҗын авыл җирлеге составына керә.

1795 елда – 83,
1859 елда – 89,
1870 елда – 147,
1884 елда – 90,
1906 елда – 131,
1926 елда – 249,
1938 елда – 316,
1949 елда – 285,
1958 елда – 226,
1970 елда – 194,
1979 елда – 131,
1989 елда – 32,
2002 елда – 22,
2010 елда – 16,
2017 елда – 20 кеше (руслар, татарлар).