Иске Пристань

1930 елларда нигез салына.

Оештырылган вакытыннан – Лаеш, 1963 елның 1 февраленнән – Питрәч, 1965 елның 12 гыйнварыннан Лаеш районында.

Хәзер Лаеш шәһәре белән шәһәр җирлеге составында.

Авыл территориясендә “Инжехим” җаваплылыгы чикләнгән җәмгыяте (1991 елдан), “Лаешагрохимсервис” акционерлык җәмгыяте (1995 елдан), “ХаРаШа” җаваплылыгы чикләнгән җәмгыяте (2000 елдан) урнашкан.

2008 елга кадәр авылда мәдәният йорты, китапханә эшли.

1942 елда башлангыч мәктәп ачыла, 1975 елда – сигезьеллык (яңа бинада), 1991 елда – урта, 2010 елда 3 нче тулы булмаган урта мәктәп итеп үзгәртелә. 2000 елдан балалар-яшүсмерләр спорт мәктәбе эшли.

Авыл тирәсендә археология истәлекләре табыла:

• I һәм V “Иске Пристань” табылдыклары (мезолит – неолит дәвере),
• II и IV “Иске Пристань” табылдыклары (неолит – бронза дәвере),
• III “Иске Пристань” табылдыклары (неолит дәвере),
• I “Иске Пристань” туктаулыгы (палеолит – мезолит дәвере).

Тормышы һәм эшчәнлеге авыл белән бәйле шәхесләр:

М.И.Романычев (1923 елда туган) – РСФСРның атказанган авыл хуҗалыгы хезмәткәре, Иске Пристань авылы мәктәбе директоры (1948–1985 елларда), “Комсомольский” совхозы директоры (1962–1985 елларда).

1938 елда – 43,
1949 елда – 184,
1970 елда – 747,
1979 елда – 855,
1989 елда – 1480,
2002 елда – 1761,
2010 елда – 1682,
2017 елда – 1708 кеше (руслар – 69%, татарлар – 29%).