- РУС
- ТАТ
Татарстанның Кукмара районындагы поселок. Кукмара шәһәреннән 28 км көнбатыштарак, Оштырма елгасы башы янында урнашкан
1920 елларда нигез салына.
Оештырылган вакытыннан ТАССРның Мамадыш кантоны Кукмара волостена керә. 1930 елның 10 августыннан – Кукмара, 1963 елның 1 февраленнән – Саба, 1965 елның 12 гыйнварыннан Кукмара районында.
Хәзер Оштырма-Юмья авыл җирлеге составында.
1930 елда поселокта “Вильмон-2” колхозы оештырыла, 1950 елдан – Ворошилов исемендәге колхоз (Иске Юмья авылы), 1960 елдан – “Искра” колхозы (Иске Юмья авылы), 1962 елдан – “Заря” колхозы (Иске Юмья авылы, 1966 елдан үзәк утары Оштырма-Юмья авылында) (1993 елдан – “Заря” күмәк авыл хуҗалыгы предприятиесе, 2003 елдан – “Заря” авыл хуҗалыгы җитештерү кооперативы), 2009 елдан – “Әсәнбаш” җаваплылыгы чикләнгән җәмгыяте (“Заря” бүлеге), 2014 елдан – “Сөт иле – Әсәнбаш” филиалы, 2017 елдан “Әсәнбаш-Агро” җаваплылыгы чикләнгән җәмгыяте составында.
Халкы кырчылык, терлекчелек белән шөгыльләнә.
М.П.Трофимова (1954 елда туган) – солист-вокалист, Удмурт Республикасының атказанган сәнгать эшлеклесе.
1926 елда – 69,
1938 елда – 84,
1949 елда – 72,
1958 елда – 77,
1970 елда – 102,
1979 елда – 54,
1989 елда – 39,
2002 елда – 30,
2010 елда – 22,
2017 елда – 18 кеше (удмуртлар).
Вы используете устаревшую версию браузера.
Для корректного отображения сайта обновите браузер.