Чәти

1678 елдан мәгълүм. Революциягә кадәрге чыганакларда Вершины Китяка, Вершина Китяк исемнәре белән телгә алына.

XVIII йөз – XIX йөзнең беренче яртысында халкы дәүләт крәстияннәре катлавына керә. Бу чорда халкының төп шөгыле – игенчелек һәм терлекчелек.

1880 елларда авыл җәмәгатенең имана җире 186 дисәтинә тәшкил итә.

1920 елга кадәр Вятка губернасының Малмыж өязе Китәк волостена керә. 1920 елдан – ТАССРның Арча, 1928 елдан Мамадыш кантонында. 1930 елның 10 августыннан – Кукмара, 1963 елның 1 февраленнән – Саба, 1965 елның 12 гыйнварыннан Кукмара районында.

Хәзер Сәрдекбаш авыл җирлеге составында.

1931 елда “Берлек” колхозы (авыл хуҗалыгы артеле) оештырыла, 1943 елдан –“Трактор” колхозы (Яңа Сәрдек авылы), 1960 елдан – “Россия” колхозы (Сәрдекбаш авылы), 1994 елдан – “Уңыш” крәстиян хуҗалыклары берләшмәсе, (2003 елдан авыл хуҗалыгы җитештерү кооперативы), 2007 елдан – “Бор” агрофирмасы” җаваплылыгы чикләнгән җәмгыяте (“Уңыш” бүлеге), 2014 елдан – “Исток Агро” җаваплылыгы чикләнгән җәмгыяте, 2016 елдан “Вахитов” җаваплылыгы чикләнгән җәмгыяте составында.

Халкы күбесенчә кырчылык белән шөгыльләнә.

1859 елда – 57,
1887 елда – 82,
1920 елда – 140,
1926 елда – 141,
1938 елда – 108,
1949 елда – 90,
1958 елда – 79,
1970 елда – 84,
1979 елда – 64,
1989 елда – 37,
2002 елда – 31,
2010 елда – 26,
2017 елда – 26 кеше (татарлар).