Биер

1619 елдан мәгълүм (башка версия буенча, 1770 елларга кадәр нигез салына). Беренче исеме – Малая Семён-Головина (Биярь).

1860 елларга кадәр халкы (керәшен татарлар) дәүләт крәстияннәре катлавына керә. Бу чорда халкының төп шөгыле – игенчелек һәм терлекчелек.

1869 елда анда Чуча авылыннан (хәзер Питрәч районы) руслар килеп урнаша.

XX йөз башында поселокта изге Гурий борадәрлеге мәктәбе (1884 елдан, катнаш, керәшен-татар мәктәбе, бер сыйныфлы; вакытлыча алынган йортта урнаша) эшли.

Авыл җәмәгатенең имана җире 386,6 дисәтинә тәшкил итә.

1920 елга кадәр Казан губернасының Мамадыш өязе Ядегәр волостена керә. 1920 елдан ТАССРның Мамадыш кантонында. 1930 елның 10 августыннан – Кукмара, 1963 елның 1 февраленнән – Саба, 1965 елның 12 гыйнварыннан Кукмара районында.

Хәзер Яңил авыл җирлеге составында.

1930 елда “Победа” колхозы оештырыла, 1934 елдан – “Самолет” колхозы, 1950 елдан – М.Вахитов исемендәге колхоз (Яңил авылы), 1963 елдан – Вахитов исемендәге колхоз, 1992 елдан – Вахитов исемендәге крәстиян хуҗалыклары берләшмәсе, 2002 елдан Вахитов исемендәге авыл хуҗалыгы җитештерү кооперативы составында.

Поселок тирәсендә чишмә бар.

А.Д.Иванов (1912–2006) – Бөек Ватан сугышында катнаша, лейтенант, “Заветы Ильича” колхозы рәисе (Югары Чура, 1950–1962 елларда), 1 нче һәм 2 нче дәрәҗә Ватан сугышы, “Почет билгесе” орденнары кавалеры.

1782 елда – 31 ир-ат;
1859 елда – 105,
1897 елда – 151,
1908 елда – 174,
1920 елда – 209,
1926 елда – 239,
1938 елда – 220,
1949 елда – 68,
1958 елда – 60,
1970 елда – 44,
1979 елда – 45,
1989 елда – 20,
2002 елда – 11,
2010 елда – 9,
2017 елда – 11 кеше (татарлар).