Воскресенский

1927 елда Корноухово авылыннан аерылып чыгу нәтиҗәсендә нигез салына.

Оештырылган вакытыннан Кайбыч районында. 1944 елның 19 февраленнән – Подберезье, 1956 елның 14 маеннан – Кайбыч, 1963 елның 1 февраленнән – Буа, 1964 елның 4 мартыннан – Апас, 1991 елның 19 апреленнән Кайбыч районында.

Хәзер Ульянково авыл җирлеге составында.

1931 елда поселокта “Воскресенск” авыл хуҗалыгы артеле оештырыла, 1945 елда Леванев исемендәге колхоз итеп үзгәртелә, 1950 елда – берләштерелгән “Победа” колхозы (Корноухово, Победа авыллары), 1959 елда “Ульянково” колхозы (Ульянково, Корноухово, Победа авыллары) составына керә. 1991 елда поселок берләштерелгән “Дружба” колхозы составында аерылып чыга (Корноухово, Победа авыллары). 1998 елдан – “Ульянково” крәстиян хуҗалыклары ассоциациясе.

Халкы күбесенчә кырчылык, ит терлекчелеге белән шөгыльләнә.

1968–2015 елларда авылда башлангыч мәктәп эшли.

1938 елда – 54,
1970 елда – 93,
1979 елда – 59,
1989 елда – 42,
2002 елда – 43,
2010 елда – 35,
2017 елда – 24 кеше (руслар).