Плетени

1927 елда Олы Подберезье авылыннан күченүчеләр тарафыннан нигез салына.

Оештырылган вакытыннан Кайбыч районында. 1944 елның 19 апреленнән – Подберезье, 1956 елның 17 маеннан – Кайбыч, 1963 елның 1 февраленнән – Буа, 1964 елның 4 мартыннан – Апас, 1991 елның 19 апреленнән Кайбыч районында.

Хәзер Олы Подберезье авыл җирлеге составында.

1930 елда авылда “Плетени” колхозы оештырыла, 1950 елда “Авангард” колхозы (Олы Подберезье авылы) составына керә. 1994 елдан – “Авангард” крәстиян хуҗалыклары ассоциациясе, 2012 елдан – “Подберезье” агрофирмасы” җаваплылыгы чикләнгән җәмгыяте.

Халкы күбесенчә кырчылык, сөт терлекчелеге белән шөгыльләнә.

Авылда башлангыч мәктәп (1930 елда ачыла), клуб бар.

1938 елда – 264,
1949 елда – 251,
1958 елда – 172,
1970 елда – 176,
1979 елда – 174,
1989 елда – 139,
2002 елда – 114,
2010 елда – 91,
2017 елда – 102 кеше (руслар).