Чүкри-Алан

XVIII йөзнең беренче яртысында нигез салына. 1860 елларга кадәр халкы дәүләт крәстияннәре катлавына керә. Бу чорда халкының төп шөгыле – игенчелек һәм терлекчелек.

XX йөз башында мәчет, җил тегермәне, 3 вак-төякләр кибете була. Авыл җәмәгатенең имана җире 436 дисәтинә тәшкил итә.

1920 елга кадәр Казан губернасының Зөя өязе Ивановка волостена керә. 1920 елдан ТАССРның Зөя кантонында. 1927 елның 14 февраленнән – Ульянково, 1927 елның 1 августыннан – Кайбыч, 1963 елның 1 февраленнән – Буа, 1964 елның 4 мартыннан – Апас, 1991 елның 19 апреленнән Кайбыч районында.

Хәзер Олы Урсак авыл җирлеге составында.

Хәзер авылда “Дубрава” җаваплылыгы чикләнгән җәмгыяте эшли. Халкы күбесенчә кырчылык, сарык асрау белән шөгыльләнә.

И.Ш.Рәхмәтуллин (1897–1937) – сәясәт эшлеклесе, ТАССР мәгариф халык комиссары (1928–1931 елларда). Репрессияләр чоры корбаны.

1782 елда – 38 ир-ат;
1859 елда – 242,
1897 елда – 453,
1908 елда – 457,
1920 елда – 445,
1926 елда – 316,
1938 елда – 368,
1949 елда – 245,
1958 елда – 201,
1970 елда – 219,
1979 елда – 198,
1989 елда – 79,
2002 елда – 71,
2010 елда – 52,
2017 елда – 40 кеше (татарлар).