Кондызлы

XVIII йөз ахырында Сарапул өязе Козловка волостеның Бобровка авылыннан күченүчеләр тарафыннан нигез салына.

1860 елларга кадәр халкы удел крәстияннәре катлавына керә. Бу чорда халкының төп шөгыле – игенчелек, терлекчелек, шулай ук тимерчелек һәм дегет ясау – сумала кайнату кәсепчелеге тарала. Пермь һәм Вятка губерналарына көнлекчелек эшенә йөриләр.

1895 елда земство мәктәбе ачыла.

XIX йөз ахырында авыл җәмәгатенең имана җире 660,5 дисәтинә тәшкил итә.

1919 елга кадәр авыл – Вятка, 1919 елдан – Казан, 1920 елдан – Вятка губернасының Алабуга өязе Пьянобор волостенда. 1921 елның гыйнварыннан – ТАССРның Алабуга (июньгә кадәр өяз), 1928 елдан Чаллы кантонында.

1930 елның 10 августыннан – Красный Бор, 1960 елның 28 октябреннән – Бондюг, 1963 елның 1 февраленнән – Алабуга, 1964 елның 4 мартыннан Әгерҗе районында.

Хәзер Әзи (Азеево) авыл җирлеге составына керә.

Авылда фельдшер-акушерлык пункты бар, Красный Бор урманчылыгы урнашкан.

1859 елда – 298,
1887 елда – 448,
1905 елда – 478,
1920 елда – 551,
1926 елда – 676,
1938 елда – 671,
1949 елда – 498,
1958 елда – 393,
1970 елда – 219,
1989 елда – 73,
2002 елда – 47,
2010 елда – 32,
2015 елда – 19 кеше (руслар).