Кызыл Болгар

1928 елда Татар Талкышы авылыннан чыгучылар тарафыннан нигезләнә.

Нигезләнгән вакыттан ТАССРның Чистай кантонында. 1930 елның 10 августыннан Чистай районында.

Хәзер Татар Талкышы авыл җирлеге составында.

Күмәкләштерү чорында «Шахтёр» колхозы оештырыла. 1957 елдан авылда – эреләндерелгән «Талкыш» колхозы, 1963–1987 елларда – Жданов исемендәге колхоз, 1992 елдан – «Талкыш» авыл хуҗалыгы кооперативлары ассоциациясе, 1994–2004 елларда шул ук исемдәге авыл хуҗалыгы җитештерү кооперативы (барысының да үзәк утары – Татар Талкышы авылы) (кырчылык һәм терлекчелек) эшли.

1937–2013 елларда башлангыч мәктәп эшли.

Авылда клуб (1968 елдан), мәчет (1996 елдан) бар.

1938 елда – 500,
1949 елда – 449,
1958 елда – 339,
1970 елда – 331,
1979 елда – 260,
1989 елда – 199,
2002 елда – 165,
2010 елда – 160,
2021 елда – 99 кеше (татарлар – 87%, руслар – 12%).