Вәли (Вәлиуллин) Зиннәт Сәгый улы

1924 елның 8 мартында Тәтеш кантоны Шәпкә авылында туган.

Казан университетын тәмамлый (1968).

1959–1970 елларда Татарстан китап нәшриятында мөхәррир, 1970–1976 елларда Таткниготоргта китап таратучы булып эшли. Әдәби һәм журналистлык эшчәнлеге белән 1943 елдан шөгыльләнә.

Бөек Ватан сугышында катнаша.

«Юл ачык» (1965) пьесасы, балалар өчен «Югалган алма» (1954), «Балан бәлеше» (1963), «Җирдәге йолдызлар» (1965), «Исәнме, кызым» (1967) исемле хикәя җыентыклары авторы.

Кызыл Йолдыз, 3 нче дәрәҗә Дан орденнары белән бүләкләнә.