Игъламов Мәхмүт Камал улы

1908 елның 22 апреле, Казан губернасы, Спас өязе Урта Йорткүл авылы — 1977 елның 30 марты, Казан.

1929–1938 елларда Казан һәм Ленинград коммуналь төзелеш инженерлары институтларында укый. 1938 елдан «Татпланпроект» институтында эшли (Казан).

1941–1944 елларда Бөек Ватан сугышында кат­на­ша.

1944 елдан шул ук институтның проектлау-планлаштыру конторасында архитектор. Бер үк вакытта 1939–1941 елларда һәм 1944–1964 елларда Архитекторлар берлегенең Татарстан фон­дында җаваплы секретарь.

1968 елдан «Тат­гражданпроект» институтында проектларның баш архитекторы.

Игъламов проектлары буенча Казанда хастаханә (хәзер Клиник диагностика үзәге корпусларының берсе, 1951), Казан университетының химия корпусы (1957), «Победа» кинотеатры (фасадлар эшләнеше, 1958), медицина институтының төп корпусы (1959), торак йортлар төзелә. Совет неоклассицизмы («Сталин ампиры») стилендә эшли.

Медальләр белән бүләкләнә.