Ак сирень

ТР Дәүләт симфоник оркестрының сәнгать җитәкчесе һәм баш дирижеры, Россиянең халык артисты Александр Сладковский оештыра.

2011 елдан ТР Мәдәният министрлыгы ярдәме белән ел саен үткәрелә.

Бөек композитор, пианист һәм дирижер Сергей Рахманиновка багышланган.

Композитор ике тапкыр Казанга (1910 һәм 1916 елларда) музыкаль уку йортлары инспекциясе белән килә.  Федор Шаляпин белән дус була.

Александр Сладковский чакыруы буенча композиторның оныгы, Рахманинов фонды президенты Александр Рахманинов (1933-2012) «Ак сирень»нең мөхтәрәм кунагы була.

2013 елда фестивальнең яңа концепциясе – «Сергей Рахманинов һәм аның гасыры» булдырыла. Музыкантлар үзләренең программаларын сайлаганда «Ак сирень» идеясе кысалары билгеле бер иҗади ирек алдылар.  

Төрле вакытта фестивальнең катнашучылары һәм кунаклары арасында танылган Россия һәм чит ил музыкантлары: Денис Мацуев, Борис Березовский, Николай Луганский, Фредерик Кемпф, Полина Осетинская, Рамзи Ясса, Шон Боткин, Андрей Коробейников, Владимир Федосеев, Даниэле Рустиони, Александр Торадзе, Рөстәм Хәйретдинов, Вадим Руденко, Александр Малофеев, Юлианна Авдеева, Николай Цнайдер, Алексей Володин, Фабио Мастранджело, Франсуа Дюмон, Джонатан Блоксхем, Екатерина Мечетина, Филипп Копачевский һ. б. булды.