Бутурлин Федор Васильевич

? – 1673 елның 4 гыйнвары. Затлы дворян Ратши нәселеннән (А.С.Пушкин да Ратшиның варисларыннан була).

1615–1617 елларда К.Минин белән Д.Пожарский ополчениесендә полякларга каршы, 1631–1634 елларда Смоленск өчен барган һ.б. сугыш-бәрелешләрдә катнаша.

Берничә шәһәрдә, шул исәптән Казанда 1639–1641 елларда – икенче, 1657–1659 елларда беренче воевода була.

1654–1657 елларда Богдан Хмельницкий радасында Россия вәкиле. Польша сугышына җибәрү өчен дворяннардан, стрелецлардан, йомышлы татарлардан гаскәри берәмлекләр туплауга җитәкчелек итә.

Автор – Е.В.Липаков