Татарстан хатын-кызлары

1995 елның декабрендә оештырыла.

Җитәкчесе — З.Р.Вәлиева.

Максаты – иҗтимагый-сәяси, икътисади, социаль-мәдәни тормышта хатын-кызның ролен күтәрү; гаилә һәм балалар мәнфәгатьләрен яклау.

Эшчәнлегенең төп юнәлеше — яңа социаль-икътисади шартларда хатын-кызның урынын өйрәнү, ятим балаларны кайгырту, күп балалы гаиләләрне яклау, хатын-кызлар өчен яңа эш урыннары оештыру, качак һәм күчеп килүче хатын-кызларга матди һәм мораль ярдәм күрсәтү.

Оешмага керә:

• «Ак калфак» бөтендөнья татар хатын-кызлары ассоциациясе;
• Халык мәгарифе, сәламәтлек саклау һәм мәдәният өлкәсендә эшләүче хатын-кызлар ассоциациясе;
• Республика балалар фонды;
• Ятимнәр хокукларын яклау фонды;
• Татарстан хатын-кыз эшмәкәрләр берлеге;
• Бөтентатар «Кызыл ярымай» җәмгыяте;
• Солдат аналары комитеты;
• «Хатын-кызлар — Татарстан галимәләре» ассоциациясе;
• Татарстан иҗади берлекләре хатын-кызлары ассоциациясе;
• «Таяныч» эшсез калган хатын-кызлар һәм аларның гаиләләренә ярдәм итү фонды;
• «Чишмә» тулы булмаган гаиләләр советы;
• «Аналар наркотикларга каршы» бөтенроссия хәрәкәтенең төбәк бүлеге;
• Мөселман хатын-кызлары ассоциациясе керә.

Шулай ук кара Хатын-кызлар хәрәкәте.