Заһирова Сания Сабир кызы

1918 елның 13 феврале, Казан губернасы, Казан өязе Олы Мәңгәр авылы – 2018 елның 8 мае, Казан.

«Спартак» күн-аяк киеме комбинатының ФЗӨ мәктәбен тәмамлый (1939 ел).

1940–1946 елларда кибеттә сатучы (Әтнә районы Олы Мәңгәр авылы).

1946–1947 елларда Казан ат дирбиясе эшләү фабрикасында өлге кисүче.

1948–1973 елларда «Спартак» сәүдә-сәнәгать аяк киеме берләшмәсендә өлге кисүче.

Герой исеме җиңел сәнәгать продукциясен җитештерүдә югары техник-икътисади күрсәткечләргә ирешкәне һәм җидееллык план (1959–1965 еллар) йөкләмәләрен үтәгәндәге казанышлары өчен бирелә.

Ленин ордены, медальләр белән бүләкләнә.

Латыпов М. Загирова Сания Сабировна // Герои Социалистического Труда Татарии (1938-1978 гг.): Док. очерки. Казань, 1980;

Герои Социалистического Труда и полные кавалеры ордена Трудовой Славы – наши земляки. Казань, 2003.