Морзаханов Галләм Гыймади улы

1925 елның 27 марты, Зөя кантоны Татар Наратлысы авылы — 1990 елның 25 мае, Казан.

Сугышка кадәр тракторда эшли. 1943 елдан СССР Хәрби-диңгез флотында. 1943 елдан  Бөек Ватан сугышы фронтларында, 66 нчы төтен маскировкасы һәм газсызландыру аерым отряды строевое (Днепропетровск хәрби флотилиясе). 1944 елның июлендә Пинск шәһәре өчен барган сугышларда батырлык күрсәтә: 5 десант операциясендә катнаша, дошманның 5 ут ноктасын юк итә. 1944 елда авырып демобилизацияләнә.

«Комсомолец» колхозында (Яшел Үзән районы) ревизия комиссиясе рәисе булып эшли. 1947–1955 елларда ТАССР Югары Советы депутаты.

Ленин ордены, 1 нче дәрәҗә Ватан сугышы ордены, медальләр белән бүләкләнә.

Батырлар китабы — Книга Героев. К., 2000;

Ханин Л. Герои Советского Союза — сыны Татарии. К., 1963;

Герои Советского Союза Военно-Морского флота. 1937–1945. М., 1977;

Герои Советского Союза — наши земляки. К., 1984. Кн. 2.

Автор — М.З.Хәбибуллин