Хубулава Зураб Ильясович

1935 елның 31 марты, Грузия ССР, Аджария АССР ның Кобулети районы Чаква авылы — 2015 елның 14 ноябре, Казан.

Воронеж технология институтын тәмамлаганнан соң (1963), Воронежның 6 нчы икмәк заводында эшли, директор. 2007 елда «Заря» АҖ Директорлар советы рәисе.

Хубулава җитәкчелегендә «Заря» АҖ предприятиеләрендә, шул исәптән карамель һәм конфет производстволарында реконструкция уздырыла; камыр ризыклары җитештерү цехы, җитештерү-көнкүреш корпусы һ.б. файдалануга тапшырыла; төп технологик процесслар механикалаштырыла һәм автоматлаштырыла, нәтиҗәдә эшләп чыгарылучы продукциянең ассортименты киңәя, күләме арта, сыйфаты яхшыра; 2 торак йорт һәм балалар бакчасы төзелә.

Уйлап табуга 12 авторлык таныклыгы бар.

Публицистик эчтәлекле «Каян һәм кая барабыз? Совет директоры язмалары» («Откуда и куда идем? Записки советского директора», 2006), «Калфак» астындагы оҗмах: Хөр фикерле кеше язмалары» («Рай под колпаком: Записки вольнодумца», 2007), «Ышанасым килә» («Хочу верить», 2010) китаплары авторы.

«Почёт билгесе», Дуслык орденнары, РСФСР, ТР ЮС ларының Мактау грамоталары белән бүләкләнә.