Әгълетдинов Фәйзулла Хаҗи улы

1915 елның 15 марты, хәзерге Мөслим районы Бүләк авылы – 1988 елның 29 октябре, Туймазы шәһәре.

1936–1938 елларда Кызыл Армиядә Хәсән күле янындагы сугышта катнаша (1938).

1942 елдан Бөек Ватан сугышы фронтларында, взвод командиры ярдәмчесе, сержант (40 нчы армиянең 309 нчы укчылар дивизиясе 955 нче укчылар полкы). Воронеж һәм 1 нче Украина фронтлары гаскәрләре составында Курск сугышында (1943), Украинаны азат итүдә катнаша.

1943 елның 22 сентябрендә Днепрны кичкәндә һәм уңъяк ярда плацдарм яулаганда батырлык күрсәтә.

1946 елдан партия һәм дәүләт эшләрендә.

Ленин, 1 нче дәрәҗә Ватан сугышы орденнары, медальләр белән бүләкләнә.

Башкортстан Республикасында Бакалы авылының бер урамына Ф.Әгълетдинов исеме бирелә.

Батырлар китабы – Книга Героев. Казань, 2000.

Славные сыны Башкирии. Уфа, 1966. Кн. 2.

Ракипов Ш.З. Хранить вечно. Казань, 1980.