Филиппов Василий Никитич

1900 ел, Казан губернасы, Лаеш өязе Олы Мирәтәк авыл — 1938 елның 9 мае, Казан.

Татар коммунистлар университетын тәмамлый (1925).

1925–1927 елларда Татарстан авыл хуҗалыгы хезмәткәрләре берлегенең Чистай кантоны бүлеге рәисе, 1927–1928 елларда Эшче, крәстиян һәм кызылармияче депутатларының Чистай кантоны башкарма комитетының халык мәгарифе бүлеге рәисе.

1928–1929 елларда ВКП(б)ның Чистай канткомы оештыру бүлеге мөдире. 1929–1934 елларда ТАССР юстиция халык комиссары. Бер үк вакытта, 1929–1932 елларда, ТАССР прокуроры.

1934–1937 елларда ТАССР ҮБК секретаре.

Репрессияләнә, үлгәннән соң аклана.

Автор — Е.Б.Долгов