Агиев Шамил Рәхим улы

1949 елның 8 январенда Казанда туган.

Казан авиация институтын (1972), РФ Министрлар Кабинеты каршындагы Халык хуҗалыгы академиясен тәмамлый (1992).

1972–1973 елларда ВЛКСМның Казан шәһәр комитеты секретаре, 1973–1975 елларда 1 нче секретаре, 1975–1977 елларда ВЛКСМның Татарстан өлкә комитеты секретаре, 1977–1982 елларда 1 нче секретаре, 1978–1988 елларда ВЛКСМ Үзәк Комитеты әгъзасы.

1982–1984 елларда КамАЗда ремонт-инструменталь завод директоры урынбасары (Чаллы шәһәре).

1984–1993 елларда «Электроприбор» заводының (Казан) генераль директоры урынбасары.

1993 елдан ТР Сәүдә-сәнәгать палатасы генераль директоры һәм идарә рәисе.

1980–1985 елларда ТАССР Югары Советы депутаты.

Хезмәтләре эшмәкәрлек, җитештерү һәм ресурс мөмкинлекләре, кризис вакытында предприятиеләр белән идарә итүгә карый.

Развитие производительных сил и предпринимательства региона в условиях формирования рыночных отношений: социально-экономический анализ на примере Республики Татарстан. М., 1996.

Страхование как фактор стабильности развития малого предпринимательства: очерки на экономические темы. М., 1997.