1960 елда Зеленодольск урман хуҗалыгы буларак оештырыла; 2007 елдан хәзерге исемендә.

Гомуми мәйданы 26356 га, 3 урманчылык: Әйшә (8503 га), Зеленодольск (8661 га), Кызыл Октябрь (9192 га) участокларыннан тора.

Урман белән капланган мәйдан 24794 га тәшкил итә, шул исәптән ылыслы токымнар — 13682 га, йомшак яфраклылар — 10382 га, каты яфраклылар 698 га били.

Урман барлыкка китерүче төп токымнар: нарат (46,3%), Европа чыршысы (7,5%), каен (28,1%), юкә (10,3%), усак (3,1%), сабакчалы имән (2,8%) һ.б.

Урман типларыннан: мүкле, куаклы наратлыклар, күрәнле каенлыклар өстенлек итә.

Яшь урманнар — 10,9%, урта яшьтәгеләр — 37,0%, өлгереп килүчеләр — 18,7%, өлгергәннәр һәм картайганнар — 33,4% урман мәйданын алып тора. Гомуми агач запасы — 6886,9 мең м3, шул исәптән өлгергән һәм картайган агачлар — 2560,2 мең м3 (37,2%).

2010–2017 елларда 147 га мәйданда ышыклау утыртмалары булдырыла. Утырту материалы үстерү питомнигы, шулай ук урман янгыннары белән көрәшү өчен янгын станциясе эшли.

Кызык бит!

Видеогалерея
Дульский Петр Максимилианович
Яңа позицияләрдән танып белү процесслары
Шунак