Фәткуллин Фәрит Хәсбиулла улы

1920 елның 6 июне, Казан – 2017 елның 28 марты, шунда ук.

Казан медицина институтын тәмамлаганнан соң (1952), Казан шәһәре Дзержинский районының сәламәтлек саклау бүлеге мөдире булып эшли, бер үк вакытта 7 нче шәһәр хастаханәсендә табиб-хирург.

1956–1982 елларда ТАССР сәламәтлек саклау министры урынбасары, 1984–1997 елларда Республика медицина профилактикасы үзәге методика кабинеты мөдире.

Хезмәтләре Татарстанда сәламәтлек саклау тармагының барлыкка килүе һәм үсешен өйрәнүгә, дәвалау-физкультура эшчәнлеген оештыру мәсьәләләренә карый.

Бөек Ватан сугышында катнаша.

2 нче дәрәҗә Ватан сугышы, «Почёт билгесе» орденнары, медальләр белән бүләкләнә.

Успехи и перспективы развития здравоохранения Татарии // Казан. медицина журн. 1969. № 3; 

Организация борьбы с трахомой в ТАССР // Казан. медицина журн. 1970. № 4 (автордаш); 

Некоторые итоги и задачи борьбы с туберкулёзом в Татарской АССР // Казан. медицина журн. 1977. № 2.

Павлухин Я.Г. История медицины Татарстана в лицах. К., 1997.