Фәткуллин Фәрит Мөхәммәтҗан улы

1914 елның 17 марты, Казан — 1942 елның 27 июле.

Сталинград очучылар хәрби авиация мәктәбен тәмамлый (1934).

1931–1932 елларда «Заря» Казан кондитер фабрикасында эшли.

1932 елдан Кызыл Армия сафларында. Совет-фин сугышында катнаша. 1941 елның июненнән Бөек Ватан сугышы фронтларында, 44 нче истребительләр авиациясе дивизиясендә эскадрилья командиры (6 нчы армия).

1941 елның октябренә Көньяк-көнбатыш фронт очучылары составында 42 сугышчан очыш ясый, дошман аэродромнарындагы 17 самолётны юк итә.

1942 елның җәендә Сталинград янындагы һава сугышында дошманның 2 самолётын бәреп төшерә.

1942 елның 27 июлендә дошманның 3 самолётын бәреп төшерә һәм һава сугышында һәлак була.

Ленин ордены, Кызыл Йолдыз ордены белән бүләкләнә.

Казандагы бер урам Фәткуллин исемен йөртә.

Батырлар китабы — Книга Героев. К., 2000.

Автор — М.З.Хәбибуллин