Яшь педагог

ВКП(б) һәм ВЛКСМның Казан Шәрекъ педагогик институтындагы ячейкалары органы.

1926 елның октябреннән 1929 елга кадәр Казанда татар телендә нәшер ителә, барысы 7 саны чыга.

Мөхәррире — Г.Шәрәф.

Зур игътибар наданлыкны бетерү, татар телен административ эшчәнлектә, фән һәм мәдәнияттә куллану, шул исәптән татар графикасын бердәйләштерү, яңалифне кертү, татар фәнни терминологиясен үстерү проблемаларына бирелә.

Татарларда фәнне үстерү, аерым алганда, Г.Ибраһимов, Шәриф ахун (беренче бәет җыючылардан берсе) һәм башка эшчәнлеге турындагы язмалар басыла.

Татар этнографиясе, татар педагогикасы фикере тарихы проблемаларын өйрәнү мәсьәләләре турында фикер алышына.

Казанның әдәби тормышы, татар пролетар әдәбияты формалашу турындагы язмалар, Г.Рәхим, Х.Халитова шигырьләре, Г.Кашшаф һәм башка хикәяләре басыла.

Соңгы санның текстлары гарәп һәм латин графикасында дөнья күрә.

Татарская энциклопедия. Казань, 2014. Т.6;

Пресса Казани ХIХ–ХХI вв. Казань, 2016;

Татарская периодическая печать: Научно-энциклопедическое издание. Казань, 2017;

Казанская периодика ХIХ–ХХI вв.: Энциклопедический справочник для средств массовых коммуникаций. Казань, 2018.

Автор – З.З.Гыйләҗев