Яшь коммунар

РКСМның Әстерхан губерна комитеты Шәрекъ бюросы органы.

1920 елның июненнән 1921 елның февраленә кадәр Әстерхан шәһәрендә татар телендә нәшер ителә.

«Бөтендөнья эшче яшьләре берләшегез!» лозунгы белән чыга.

Мөхәррире — К.Габдуллин, Х.Ибраһимов.

Газетаның һәр саны үз эченә чит ил һәм гомумроссия яңалыклары, җирле хәбәрләр һәм башка рубрикаларны ала.

Зур игътибар Гражданнар сугышында катнашкан яшьләргә, хәрби-патриотик тәрбиягә бирелә; газета хәрби хезмәткә 16 яшьтән алынырга мөмкинлеге турындагы мәсьәләне күтәрә.

Халык хуҗалыгын торгызуда, мәдәни төзелештә яшьләрнең роле; Әстерхан өлкәсенең 2 нче партиясез яшьләр конференциясе, 3 нче Бөтенроссия коммунистик яшьләр съезды һәм башка эше яктыртыла.

Яшь авторларның әсәрләре басыла.

Татарская энциклопедия. Казань, 2014. Т.6;

Татарская периодическая печать: Научно-энциклопедическое издание. Казань, 2017.