Хокук вә хәят

1913 елның гыйнварыннан 1914 елның гыйнварына кадәр Казанда нәшер ителә, барысы 10 саны чыга.

Нашире һәм мөхәррире — Ш.Х.Иманаев, сәркәтибе — Ш.Әхмәдиев.

Иманаев кайбер мәкаләләрне Мөселман, Имам, Нәшир дигән псевдонимнар астында бастыра.

Татарларда хокукый культура үсеше һәм хокук мәсьәләләрен яктыртуны максат итеп куя.

Язмаларның күбесе тәрҗемәдә, кайберләре рус телендә бирелә.

Рәсми карар һәм боерыклар, хокук фәннәренең актуаль мәсьәләләре турында, мәхкәмә хроникасы, мәдәни-агарту тематикасы буенча мәкаләләр басыла.

Журналда Россия кануннары белән Шәригать нормаларын чагыштырып аңлату мәкаләләре күп урын ала.

Хокук китапларына рецензияләр басыла.

Журналның һәр санында татар әсәрләре чыга, алар арасында М. Җәлил һәм Г. Харис шигырьләре дә урын ала.

«Хокук вә хәят» сыйфатлы кәгазьдә, матур иллюстрацияләр белән нәшер ителә.

Журналның юнәлеше тар була, ул популярлашып китми һәм әбүнәчеләре булмау сәбәпле, чыгудан туктый.

Усманова Д.М., Гильмутдинов Н.В. Из опыта издания специализированного юридического журнала в Казани: «Хокук ва хаят» // Научный Татарстан. 2009. № 1;

Айнутдинов Р.А., Айнутдинова Л.М., Гилазев З.З. Казанская научная пресса. Казань 2013;

Багаутдинов Ф.Н. Шайхаттар Иманаев. К, 2014;

Татарская энциклопедия. Казань, 2014. Т.6;

Татарская периодическая печать: Научно-энциклопедическое издание. Казань, 2017.