Бердәнбер төре – су йомшак төкләч (M. aquaticum) Евразиянең уртача поясында таралган.

ТР территориясендә ара-тирә барлык районнарда да очрый. Сулык ярлары буенда, яшелчә бакчаларында, чүплекләрдә, юл кырыйларында үсә.

30-70 см биеклектәге күпьеллык үсемлек. Сабагы үрмәле, озын. Үсемлекнең аскы өлеше шәрә, ялангач, өске өлеше төкле. Яфраклары йомшак, йөрәксыман яки озынча түгәрәк, очланган. Чәчәкләре ак, хуш исле, таҗ яфракчыгы икегә аерылган, җәенке ярымчатырда урнашалар. Җимеше – йомыркасыман тартмачык. Орлыклары кызгылт-көрән, түгәрәк бөресыман, яссы, вак чәнечкеле. Июнь-августта чәчәк ата. Җимешләре июль-сентябрьдә өлгерә. Орлыктан үрчи.

Терлек азыгы буларак кулланыла.

Татарлар турында

Казан татарлары
Бохараев Равил Рәис улы
Милли аш-су
Урманче Бакый