Күл

Югары Ослан районының Юмат авылыннан 1,4 км төньяк-көнчыгыштарак, Сөлчә елгасы үзәненең уңъяк сөзәклегендә.

Су өслегенең мәйданы 0,08 га. Су күләме 2 мең м³. Озынлыгы 40 м, киңлеге 35 м, уртача тирәнлеге 2 м га якын, иң зур тирәнлеге 5,2 м.

Күл карст күренешләре нәтиҗәсендә барлыкка килгән. Формасы түгәрәк. Ярлары калкулы, киң яфраклы урман белән капланган. Җир асты сулары белән туена.

Суы каты (6,7 мг/л), җиңелчә минеральләшкән (11,5 мг/л); җәй көне суы «чәчәк ата».

Күлдә сары төнбоек үсә (ТРның Кызыл китабына кертелгән).

Сулык ял итү максатларында файдаланыла. ТРның табигать истәлеге (1978).