Алтынбаев Равил Ибраһим улы

1925 елның 31 августында Рязань өлкәсенең Касыйм районында туган.

Бөек Ватан сугышында катнаша. 1952 елда Мәскәү совет сәүдәсе институтын тәмамлый.

1958–1963 елларда Сәмәрканд өлкәсе кулланучылар берлеге рәисенең 1 нче урынбасары. 1963 елдан Сәмәрканд кооперация институтында укыта, 1972–1982 елларда сәүдә икътисады кафедрасы мөдире.

Бер үк вакытта 1987–1998 елларда фәнни-тикшеренү лабораториясе мөдире, 1998 елдан шул ук институтның инновация үзәге профессоры.

Хезмәтләре кулланучылар кооперациясе системасында әзерләү һәм сәүдә итү эшчәнлегенең нәтиҗәлелеген күтәрү мәсьәләләренә карый.

1 нче дәрәҗә Бөек Ватан сугышы, Кызыл Йолдыз орденнары, медальләр белән бүләкләнә.