Куады

1678 елдан мәгълүм. XVIII йөздә – XIX йөзнең беренче яртысында халкы дәүләт крестьяннары катлавына керә (элекке ясаклы татарлар, башкорт-припущенниклар). Бу чорда халкының төп шөгыльләре – игенчелек һәм терлекчелек.

1848 елгы мәгълүматлар буенча, авылда мәчет була. XX йөз башында 2 мәчет, 2 мәктәп, 2 җил тегермәне, ярма яргыч, икмәк киптергеч, тимерчелек эшли.

Авыл җәмәгатенең имана җире 1131,6 дисәтинә тәшкил итә.

1920 елга кадәр авыл Уфа губернасының Минзәлә өязе Бәтке волостена керә. 1920 елдан – ТАССРның Минзәлә, 1922 елдан – Чаллы кантонында. С 1930 елның 10 августыннан – Чаллы (1976 елның 20 апреленнән – Тукай) районында.

Хәзер – Түбән Суыксу авыл җирлегендә.

1930 елда «Кызыл Татарстан» колхозы оештырыла (1952 елда аңа Мазино авылы кушыла). 1958 елдан авылда – «Коммунизм» колхозы (үзәк утары –Түбән Суыксу авылы), 1997 елдан – «Суыксу» җитештерү кооперативы, 2005 елдан «Тукай азык-төлек корпорациясе» җаваплылыгы чикләнгән җәмгыяте эшли.

Халкы башлыча үсемлекчелек һәм терлекчелек белән шөгыльләнә.

2011 елга кадәр башлангыч мәктәп эшли.

Авылда балалар бакчасы (1994 елдан), клуб һәм китапханә (икесе дә – 1975 елдан), фельдшер-акушерлык пункты, мәчет (1994 елдан) бар.

Авыл янында төзекләндерелгән «Рәмис» чишмәсе урнашкан.

К.Д.Дәүләтшин (1934 елда туган) – философ, журналист, философия фәннәре докторы, 1995–2000 елларда «Татарские новости» (Мәскәү) газетасы баш мөхәррире.

1870 елда – 513,
1897 елда – 671,
1913 елда – 971,
1920 елда – 926,
1926 елда – 533,
1938 елда – 617,
1949 елда – 439,
1958 елда – 384,
1970 елда – 427,
1979 елда – 341,
1989 елда – 246,
2002 елда – 260,
2010 елда – 292,
2020 елда – 379 кеше (татарлар).