Аулаш

XVIII йөздә Югары Аулаш буларак нигезләнә. 1860 елларга кадәр халкы дәүләт крестьяннары катлавына керә. Бу чорда халкының төп шөгыльләре – игенчелек һәм терлекчелек, шулай ук умартачылык һәм тегүчелек тарала.

1870 елгы мәгълүматлар буенча, авылда су тегермәне була. Авыл җәмәгатенең имана җире 742,4 дисәтинә тәшкил итә.

1920 елга кадәр авыл Уфа губернасының Минзәлә өязе Бәтке волостена керә. 1920 елдан – ТАССРның Минзәлә, 1922 елдан – Чаллы кантонында. С 1930 елның 10 августыннан – Чаллы, 1972 елның 1 ноябреннән – Зәй, с 1977 елның 26 декабреннән – Тукай районында.

Хәзер – Иштирәк авыл җирлегендә.

1931 елда «Красный Пахарь» колхозы оештырыла. 1950 елдан авылда – «Трактор» колхозы (үзәк утары – Иштирәк авылы), 1958 елдан – Чкалов исемендәге колхоз (үзәк утары – Биклән авылы), 1970 елдан – «Бүләк» совхозы (үзәк утары – Иштирәк авылы), 1997 елдан – шул ук исемдәге җитештерү кооперативы, 2010 елдан «Иштирәк» крестьян-фермер хуҗалыгы эшли.

Халкы башлыча үсемлекчелек һәм сөт терлекчелеге белән шөгыльләнә.

Авылда фельдшер-акушерлык пункты бар (1950 елдан, 2016 елдан – яңа бинада).

1795 елда – 51 ир-ат;
1870 елда – 220,
1913 елда – 498,
1920 елда – 522,
1926 елда – 517,
1938 елда – 448,
1949 елда – 333,
1958 елда – 239,
1970 елда – 260,
1979 елда – 177,
1989 елда – 131,
2002 елда – 98,
2010 елда – 86,
2020 елда – 112 кеше (керәшен татарлар – 90%).