Үрнәк

1926 елда ТАССРның Тәтеш кантоныннан чыгучылар тарафыннан нигезләнә. 1940 елларга кадәр Кызыл Сука буларак мәгълүм.

Нигезләнгән вакытыннан ТАССРның Спас кантоны Өчкүл волостена керә.

1930 елның 10 августыннан – Спас (1935 елның 1 апреленнән – 1991 елның 4 октябренә кадәр Куйбышев) районында.

Хәзер – Өчкүл авыл җирлегендә.

1931 елда авылда “Кызыл Сука” колхозы оештырыла. 1934 елда – “Үрнәк” колхозы. 1950 елда колхозларны эреләндерү нәтиҗәсендә Фрунзе исем. колхоз белән (үзәк утары – Өчкүл авылы) берләштерелә. 1957 елдан – “Трехозерский” совхозында (үзәк утары – Өчкүл авылы). 1996 елда “Агроснаб” район бүлекчәсе ярдәмче хуҗалыгы эшли.

Халкы башлыча үсемлекчелек һәм сөт терлекчелеге белән шөгыльләнә.

1930–1950 елларда авылда башлангыч мәктәп, уку өе эшли. Клуб (2002 елдан), фельдшер-акушерлык пункты, мәчет (2003 елдан) бар.

Авыл янында археология истәлекләре:

• Үрнәк шәһәрлеге (Имәнкискә культурасы),
• Үрнәк I, II, IV (буралы курган культурасы), III (энеолит, буралы курган культурасы) туктаулыклары табыла.

1931 елда – 231,
1957 елда – 283,
1989 елда – 168,
2002 елда – 164,
2010 елда – 157,
2021 елда – 112 кеше (татарлар – 92%, руслар – 5%).