Гобәй

1860 елларга кадәр халык дәүләт крәстияннары катлавына керә. XX йөз башында авыл җәмгыятенең имана җире 184 дисәтинә тәшкил итә.

1920 елга кадәр поселок Казан губернасының Лаеш өязе Зюзино волостена керә. 1920 елдан – ТАССРның Лаеш кантонында. 1927 елның 14 февраленнән – Балык Бистәсе, 1944 елның 19 февраленнән – Солтан, 1946 елның 5 апреленнән – Корноухово, 1954 елның 19 ноябреннән – Балык Бистәсе, 1963 елның 1 февраленнән – Питрәч, 1965 елның 12 гыйнварыннан – Балык Бистәсе районында.

Хәзер – Олы Солтан авыл җирлегендә.

1931 елда «Урал» колхозы оештырыла. 1956 елгы мәгълүматлар буенча, поселокта – Калинин исемендәге (үзәге – Яңа Солтан авылы), 1960, 1966 елгы мәгълүматлар буенча – Фрунзе исемендәге (үзәге – Шумково авылы), 1967 елдан – «Октябрьнең 50 еллыгы» колхозлары, 1994 елдан «Солтан» авыл хуҗалыгы кооперативы эшли.

1859 елда – 56,
1897 елда – 78,
1908 елда – 97,
1926 елда – 70,
1958 елда – 89,
1970 елда – 65,
1989 елда – 32,
2002 елда – 30,
2010 елда – 28,
2020 елда – 19 кеше (татарлар).