Тарихы

1646 елдан мәгълүм. XVIII йөз – XIX йөзнең беренче яртысында халкы дәүләт крәстияннәре катлавына керә. Бу чорда халкының төп шөгыле – игенчелек һәм терлекчелек.

XX йөз башында авылда чиркәү-приход (1900 елда ачыла) мәктәбе, 2 вак-төякләр кибете эшли. Авыл җәмәгатенең имана җире 343 дисәтинә тәшкил итә.

Административ-территориаль буйсынуы

1920 елга кадәр Казан губернасының Мамадыш өязе Троица-Сәкинәс волостена керә. 1920 елдан ТАССРның Мамадыш кантонында. 1930 елның 10 августыннан Мамадыш районында.

Хәзер Красная Горка авыл җирлеге составында.

Хуҗалык итү рәвеше

1931 елда авылда “Комсомолец” колхозы оештырыла, 1957 елда “Мамадыш” совхозына берләштерелә. 1961 елда – “Мамадыш” нәселле терлек үрчетү совхозының 3 нче бүлеге, 1990 елда – “Зеленогорский” совхозы, 1994 елда – “Зеленогрский” күмәк предприятиесе (2002 елга кадәр Рус Пакшины поселогы, “Мамадыш” совхозының 2 нче фермасы белән бергә) булдырыла.

2008 елдан “Омар” агрофирмасы” җаваплылыгы чикләнгән җәмгыяте бүлеге.

Мәдәният

Авылда клуб була.

Халык саны

1782 елда — 48 ир-ат;
1859 елда — 112,
1897 елда — 240,
1908 елда — 304,
1920 елда — 269,
1926 елда — 263,
1938 елда — 204,
1949 елда — 695,
1958 елда — 190,
1970 елда — 273,
1979 елда — 177,
1989 елда — 115,
2002 елда — 106,
2010 елда — 63,
2017 елда — 46 кеше (керәшен татарлар – 69,6%, руслар – 30,4%).