Горкино

1820 елларда нигез салына.

1861 елгы реформага кадәр халкы алпавыт крәстияннәре катлавына керә. Бу чорда халкының төп шөгыле – игенчелек һәм терлекчелек, шулай ук известь һәм алебастр ясау өчен таш вату кәсепчелеге тарала.

1880 елларда авыл җәмәгатенең имана җире 1276 дисәтинә тәшкил итә.

1920 елга кадәр Самара губернасының Бөгелмә өязе Каратай волостена керә. 1920 елдан ТАССРның Бөгелмә кантонында. 1930 елның 10 августыннан – Бөгелмә, 1935 елның 10 февраленнән – Яңа Писмән, 1955 елның 18 августыннан Лениногорск районында.

Хәзер Яңа Чыршылы авыл җирлеге составында.

1931 елда авылда “Победитель” колхозы оештырыла, 1960 елдан – “Путь к коммунизму” колхозы (Вәлиев, Яңа Чыршылы поселоклары, Алёшкино, Кузайкино авыллары), 1967 елдан – “Яңа Чыршылы” совхозы, 2003 елдан “Яңа Чыршылы” күмәк предприятиесе составында, 2005–2015 елларда – “Чулпан” җаваплылыгы чикләнгән җәмгыяте.

1859 елда – 228,
1889 елда – 398,
1897 елда – 482,
1926 елда – 716,
1938 елда – 423,
1949 елда – 493,
1958 елда – 401,
1970 елда – 279,
1979 елда – 86,
1989 елда – 25,
2002 елда – 5,
2010 елда – 16,
2017 елда – 14 кеше (руслар).