Алёшкино

1785 елдан мәгълүм. Революциягә кадәрге чыганакларда шулай ук Верхние Лещи исеме белән телгә алына.

1860 елларга кадәр халкы дәүләт крәстияннәре катлавына керә. Бу чорда халкының төп шөгыле – игенчелек һәм терлекчелек.

1890 елгы мәгълүматлар буенча, авылда чиркәү була. Авыл җәмәгатенең имана җире 1786 дисәтинә тәшкил итә.

1920 елга кадәр Самара губернасының Бөгелмә өязе Каратай волостена керә. 1920 елдан ТАССРның Бөгелмә кантонында. 1930 елның 10 августыннан – Бөгелмә, 1935 елның 10 февраленнән – Яңа Писмән, 1955 елның 18 августыннан Лениногорск районында.

Хәзер Яңа Чыршылы авыл җирлеге составында.

1930 елдан – “Трактор” колхозы, 1960 елдан – “Путь к коммунизму” колхозы (үзәк утары – Яңа Чыршылы поселогы), 1967 елдан – “Яңа Чыршылы” совхозы (үзәк утары – Яңа Чыршылы поселогы), 2003 елдан “Яңа Чыршылы” күмәк предприятиесе составында, 2005–2015 елларда – “Чулпан” җаваплылыгы чикләнгән җәмгыяте.

1859 елда – 313,
1885 елда – 504,
1920 елда – 775,
1926 елда – 763,
1938 елда – 442,
1949 елда – 400,
1958 елда – 342,
1970 елда – 329,
1979 елда – 181,
1989 елда – 87,
2002 елда – 71,
2010 елда – 38,
2017 елда – 35 кеше (чуашлар).