Тәмәй

XVIII йөздә нигез салына. Революциягә кадәрге чыганакларда шулай ук Тайман, Ерболдино (соңгысы 1940 елларга кадәр кулланыла) исемнәре белән билгеле.

XVIII йөз – XIX йөзнең беренче яртысында халкы дәүләт крәстияннәре (ясаклы татарлар) катлавына керә. Бу чорда халкының төп шөгыле – игенчелек һәм терлекчелек.

1859 елгы мәгълүматлар буенча, авылда мәчет була.

XX йөз башында авыл җәмәгатенең имана җире 361,3 дисәтинә тәшкил итә.

1920 елга кадәр Вятка губернасының Малмыж өязе Күкшел волостена керә. 1920 елдан – ТАССРның Арча, 1928 елдан Мамадыш кантонында. 1930 елның 10 августыннан – Кукмара, 1963 елның 1 февраленнән – Саба, 1965 елның 12 гыйнварыннан Кукмара районында.

Хәзер Мәмәшир авыл җирлеге составында.

1931 елда авылда “Кустарь” колхозы оештырыла, 1950 елдан – “Электро” колхозы (Мәмәшир авылы), 1959 елдан – “Татарстан” колхозы (үзәк утары – Мәчкәрә, 1963 елдан Күкшел авылында), 1979 елдан – “Үрнәк” колхозы (Мәмәшир авылы), 1993 елдан “Үрнәк” күмәк авыл хуҗалыгы җитештерү кооперативы, 2008 елдан – “Бор” агрофирмасы” җаваплылыгы чикләнгән җәмгыяте, 2015 елдан – “Исток Агро” агрофирмасы” җаваплылыгы чикләнгән җәмгыяте, 2017 елдан “Игенче Плюс” җаваплылыгы чикләнгән җәмгыяте составында.

Халкы кырчылык, сарык асрау белән шөгыльләнә.

Авылда мәчет (2015 елдан) бар.

К.Б.Бариев (1928–2013) – хуҗалык-хакимият эшлеклесе, Кукмара киез итек фабрикасы директоры (1973–1988 елларда), “Милосердие” фонды директоры (2005 елдан), “Почет билгесе” ордены кавалеры.

1748 елда – 32 ир-ат;
1859 елда – 147,
1891 елда – 203,
1905 елда – 280,
1920 елда – 345,
1926 елда – 325,
1938 елда – 387,
1949 елда – 318,
1958 елда – 220,
1970 елда – 128,
1979 елда – 116,
1989 елда – 82,
2002 елда – 84,
2010 елда – 72,
2017 елда – 72 кеше (татарлар).