Мөстәкыймов Габделмәннаф Биккенә улы

1808 ел, Казан губернасы Казан өязе, хәзерге Әтнә районы Олы Бәрәзә авылы — 1869 ел.

Бакалея әйберләре һәм икмәк белән сәүдә итә.

Мөстәкыймов Казандагы Зәңгәр мәчетнең идарәче-химаячеләреннән берсе, 1864 елда аның өчен җир мәйданы бирә һәм мәчет мәнфәгатьләренә, шул исәптән әйләнәсенә таш койма кордыруга зур суммада матди ярдәм итә.

Мөстәкыймов эшен аның улы — нәселдән килүче мактаулы граждан Әхмәдшакир (1842-?) дәвам итә.

Авторлар — Р.Р.Хәйретдинов, Р.Р.Салихов