Пахомов Алексей Михайлович

1945 елның 15 гыйнварында Куйбышев өлкәсенең Кинель-Чиркәс районы Лозов МТСы поселогында туа.

Куйбышев политехник институтын тәмамлый (1969).

1969–1985 елларда Х.М.Ямашев исемендәге Татарстан мех җитештерү берләшмәсендә: инженер, 1971–1976 елларда цех башлыгы, баш энергетик, 1976–1984 елларда генераль директор урынбасары, 1984 елдан баш инженер.

1985–1988 елларда КПССның Казанның Бауман райкомы секретаре.

1988–2002 елларда Татарстан «Мелита» мех җитештерү сәүдә-сәнәгать АҖ генераль директоры.

2002–2005 елларда ТР Премьер-министры урынбасары — ТР икътисад һәм сәнәгать министры.

2005–2011 елларда РФ Федераль Җыенының Федерация Советында ТР Дәүләт Советы вәкиле.

Татарстан икътисадына караган хезмәтләр авторы. 1999–2002 елларда ТР халык депутаты.

Почёт ордены, медальләр белән бүләкләнә.