Яңавыл

Авылга 1928 елда Төги авылы кешеләре тарафыннан элекке алпавыт Я.Бочкарёв җирләрендә нигез салына.

Нигез салынган көннән авыл ТАССРның Чаллы кантоны Кузай волостена керә. 1930 елның 10 августыннан – Акташ, 1944 елның 19 февраленнән – Ямаш, 1956 елның 7 декабреннән – Акташ, 1959 елның 26 мартыннан – Зәй, 1963 елның 1 февраленнән – Әлмәт, 1972 елның 1 ноябреннән – Зәй районында.

Хәзер Төги авыл җирлеге составына керә.

Күмәкләштерү елларында авылда “Товарищ” колхозы оештырыла. 1950 елдан зурайтылган Энгельс исемендәге, (Алексеевка авылы), 1959 елдан “Рассвет” колхозлары составында (Төги авылы).

1938 елда – 169,
1958 елда – 80,
1970 елда – 79,
1979 елда – 46,
1989 елда – 15,
2002 елда – 8,
2010 һәм 2017 елларда – 3 кеше (руслар).