Звенигород исемендәге гвардия укчылар дивизиясе

Дивизия командиры – генерал-майор К.К.Джахуа, 1942 елның 2 сентябрендә Сталинград янындагы Ерзовка авылы тирәсендә сугышка керә. Сталинград янында уңышлы сугышканы өчен 69 нчы гвардия укчылар дивизиясе итеп үзгәртелә.

Соңрак Курск сугышында (1943 ел), Кызыл Армиянең Корсунь-Шевченко һәм Яссы-Кишинёв (икесе дә –1944 ел) һөҗүм операцияләрендә, Румыния, Венгрия, Австрияне азат итүдә катнаша. 1945 елның 8 маенда дивизия частьләре Австриядәге Альп таулары итәгендә Американың 80 нче армиясе частьләре белән очраша.

Корсунь-Шевченко операциясе вакытындагы сугышчан хезмәтләре өчен «Звенигород» дигән мактаулы исемгә лаек була. Яссы-Кишинёв операциясендәге уңышлары өчен Кызыл Байрак ордены белән бүләкләнә. Дивизия полклары да мактаулы исемнәргә лаек була һәм орденнар белән бүләкләнә.

Дюрягин Г.М. Говоров М.В. Ни шагу назад. Казань, 1978.

Автор – В.Ф.Телишев